Tseliso Maseela

Mofetsé Tseliso Maseela

Palo ea Baloetse ba Mofetsé e ntse e hola, lefatséng lohle, me linaheng tsa Afrika ho shoa batho ba bangata ke boloetse bona. Mabaka a liphetoho tsena a fumanoa habonolo : Batho ba fihlang Botsofeng ba eketsehile, leha re utloa litlaleho tse fapaneng. Lenane la Bakuli ba hlahlojoang Lipetlele, moo ho fihlang Baloetse ba seng ba hloleha, lea hola. Mekhoa ea ho sibolla Mofetsé ka hlahlobo e ntse e tsoela pele. Ho bonahetse ho le molemo, ho leka ho hlalosa Boloetse ba Mofetsé ka Puo eo Bakuli ba e utloisisang, ba tsebe ho elelloa ka matjeke ha boloetse bo simolla, me Pheko e fumaneha habonolo.