Burhan Al Din Fili

Pluhun n'Ecje Burhan Al Din Fili

"Një karakteristikë e veçantë e kësaj përmbledhjeje poetike janë ndjenjat e sinqerta që burojnë nga shpirti i autorit. Është pikërisht kjo ndërthurje në mes të eksperiencës përsonale të poetit dhe mesazhit universal të poezive që e bëjnë leximin e kësaj përmbledhjeje poetike shumë herë më terheqës." - Gazmend Hasaj Toronto, Kanada "Autori me mjeshtërinë dhe shijen poetike që ka të ngacmon ndërgjegjen, të këndell kujtesën dhe ta ngren vetëdijen, që ta kuptojmë realitetin, rrethanat, ta njohim veten, kush jemi dhe çfarë roli dhe detyra kemi." - Hoxhë Enis Rama, Kosovë "Një libër që si nga përmbajtja ashtu dhe nga ana e strukturimit të vargjeve të fton ta lexosh. Poezi të arrira për nga këndvështrimi artistik, filozofik, realist e teologjik. Një libër ku çdo vlerë njerëzore është poetizuar aq thjeshtë e aq natyrshëm." - Enkelejda Murataj, Shqipëri "Përveç vlerave dhe ndjenjave, lexuesi mund të pajiset dhe me njohuri të reja rreth personaliteteve, vendeve dhe institucioneve që kanë lënë mbresa të mëdha në zemrën dhe mendjen e autorit." - Myfti Didmar Faja, USA "Dashuria për Zotin, për fenë dhe njeriun janë komponente përbërëse të fjalës poetike të autorit. Ajo që të bie në sy në ligjërimin e tij poetik është një butësi në komunikim, e cila e përcjell mesazhin mjaft qartë." - Botuesi: Lidhja e Hoxhallarëve, Tiranë- Shqipëri