Marella Nahr-Angelica

Matrimonio Marella Nahr-Angelica

E buki aki ta skirbí ku e meta pa enkurashá tur persona, tantu hóben komo adulto ku ta pensa riba un posibel matrimonio. Òf pa esun persona ku no ta interesá den matrimonio i ta pensa ku nada no por konvensé pa kere den matrimonio. E lo sirbi tambe pa parehanan por reflekshoná riba nan matrimonio. Pa otronan, e ta informashon general ku ta duna un bista kiko ta matrimonio. E motibu ku mi a haña e inspirashon pa skirbi un buki ku e tema aki ta entre otro pasobra algun tempu pasá mi a keda aserká pa mi por skirbi algu tokante e tópiko: 'te ora morto separá nos". Den mesun temporada diferente persona hóben i adulto a lansa e pregunta den mi direkshon: kiko lo mi por konsehá ora nan konosé un persona ku nan ke sera un amistat mas íntimo ku n'e. Nan ta ke sa kon nan por tin sigur ku den un posibel matrimonio nan lo keda kasá. I ku e desishon pa kasa ta unu bon òf lo resultá den un frakaso. Nan ke sa kon pa por haña sa ku e persona ta esun ku ta pas ku nan. No por papia ni skirbi di matrimonio sin inkluí e Palabra di Dios, ta p'esei na diferente kaminda den e buki aki ta referí bèk na loke e Palabra di Dios ta bisa.